DONOSTIAKO ordezkaritzak astelehenean defendatu zuen hiruburuaren hautagaitza Madrileko Jantziaren Museoan. Bertan izan ziren gainerako finalistak, hala nola, Burgos, Kordoba, Las Palmas, Segovia eta Zaragoza.
«Pozten naiz defentsa momentua bizitu izanaz»
Ordezkaritza defendatzeko 30 minutu izan zituen Donostiako ordezkaritzak, tartean Ainara Ortega abeslari hernaniarrak. Xabier Leteren Izarren Hautsa abestia kantatu zuen, gainontzeko ordezkariekin, musika eta dantza oinarri izan zituen ekitaldia borobiltzeko. Hernaniarra gustura dago bizitutako esperientziarekin: «abeslari bezala joan nintzen, eta hasiera batean, ez nuen gainontzeko ordezkariek bezain beste bizi momentua. Baina behin barruan egonda, oso polita izan zen, eta pozten naiz esperientzia bizitzeko aukera izanaz».
Epaimahaiak atzoko 17:30ak aldera eman zuen hiriburu hautatuaren izena: Donosti. Eta epaia jakin bezain laister, Ortegak musikaz eta kulturaz bizi diren hainbat kide izan zituen gogoan: «ea Kultur Hiriburuak kulturatik bizi garenongan ere eragin positiboa izaten duen».