azken urteetako Babes Ofizialeko etxe kopururik haundiena zozketatuko da gaur Kiroldegian, 162 etxebizitza hain zuzen. Etxebizitzak erosketakoak eta alokairuzkoak izango dira. Sagastiyakoak erosketakoak izango dira guztiak, eta Txantxillakoak erosketakoak eta alokairuzkoak. Zozketa Kiroldegiko pelotalekuan egingo dute Udaleko eta Etxebideko ordezkariek, goizeko 11:00etatik aurrera.
Sagastiyan, erosketako
128 etxebizitzen zozketa
Zozketatuko dituzten Sagastiyako etxebizitza guztiak erosketakoak izango dira, 128 hain zuzen. Etxebizitza guzti hauek Sagastiyako aurreneko fasekoak dira, guztira, 297 baitaude aurreikusita. Gainera, etxebizitza hauen erdia baino gehiago hernaniarrentzat izango da. Sagastiyako etxebizitzak Visesak egingo ditu, eta hauen duten arabera, 133.757 euro eta 163.028 euro bitartekoak izango dira.
Txantxillan, erosketa eta alokairuzkoak zozketan
Txantxillan, 13garren portaleko etxebizitzak zozketatuko dira gaurkoan. Guztira, 34 zozketatuko dira, eta ia guztiak, 28 hain zuzen, alokairuzkoak izango dira; gainontzeko 6ak izango dira erosketakoak.
1, 2 eta 3 gelako etxebizitzak
Sagastiyako etxebizitzak bi eta hiru gelakoak izango dira, guztiak; eta Txantxillakoak berriz, gela bat, bi eta hirukoak. Guztiek izango dute garajea eta trasteroa. Sagastiyako etxebizitzak, beranduenez, 2014an entregatuko dira, eta Txantxillakoak urtea bukatu baino lehen.