Atzo, Bateragune auzia hasi zen eta hainbat euskal herritar deklaratzen ari dira Espainiako Auzitegi Nazionalean. Horren harira, Hernaniko Bilduk prentsa ohar bidez jakinarazi du: «gure herriaren aurkako beste prozesu judizial baten aurrean gaude eta horregatik bat egin nahi dugu herri eta hirietan Eleak mugimenduak deitutako mobilizazioekin eta leloarekin: Euskal Herria libre eta legala; eskubide guztiak denontzat». Herritarrei dei egiten die mobilizazioetan parte hartzeko.
Askegunea gaurtik larunbatera
Gaurtik larunbatera, Donostiako Zuloaga plazan Askegunea antolatu du Eleak-ek, herritar guztien eskubide zibil eta politikoen topaketa lekua. Hainbat ekitaldi izango dira. Bihar, esaterako, kontzentrazioa 19:30etan. Larunbatean manifestazio nazionala izango da eta uztailaren 5ean eskualdeko manifestazioa.