Erraldoiak, eta bertso saio ederra gaur

GAZTEENEK bi berotualdi hartuko dituzte gaur: bat, eguraldiak emana; bestea, erraldoi eta buruhaundiek. Horrez gain, zurezko jolasak eta pottokak eta xexenak ere izango dituzte.
Helduen bizkarrak berotuko dituztenak, Axeri Dan­tzakoak, gaur, bigarren egunez, San Joanetan. Atzo, be­te­ranoetako batek maxkuria zintzilikatu zuen betirako: Xabier Arnaizek, hain juxtu; eta agur berezia eskaini zien bere kideek.
Dantza zaleek, bi txaranga dituzte: Santa Barbara, eguerdian; eta Nekaezinak, goizaldean. Ttarla dantza taldea arratsaldez, Fermin Valencia kantautorea bezala. Gauean: Kupela taldea, Bini­lozko xiringak, eta Meav Heav beste lau talderekin.

Lujanbio, Arzallus, Rezola eta Gaztelumendi...
Bertsoak ere izango du lekua gaur, San Joanetan. Guda­rien plazako tabladuan, lau bertsolari haundi ariko dira, Gorka Tolosak gaiak jarrita: Maialen Lujanbio, Amets Arzallus, Agin Rezola eta Beñat Gaztelumendi.