Hasieratik, txapelaren bila!

SERIO demonio hasiko dute gaur Herriartekoa Hernani eta Donos­tia­ko kadeteek. Par­­tidu klabea da kadeteena, emaitzaren arabera presioa talde batek edo besteak izango baitu. Altuna anaia bixkiek ez diote aukerarik eman nahi Chia­­pu­so aurrelari abilari, eta Aran­gureni. Zaildu­tako bikotea da hernaniarra; partidu bakarra galdu dute, eta donostiarrak faborito diren arren, latz sufritu beharko du eurei irabazi nahi dienak.
«Aspaldiko berdinduena»; hala jo dute aurreikuspenek aurtengo finala. «Hernania­rrak pun­tu bat goitik ote dauden...» hori, adituek aipatutakoa. Hernaniren estrategia: kadeteetan eta jubeniletan, atzelariari jokatzea; nagusietan, ezustekorik ez dezatela eman donostiarrek. Ojuel eta Gorrotxategi dira Euskal He­rriko txapel­dunak; horrek nahi­koa behar luke, baina do­nostiarrak ez omen dira ka­mu­tsak.
Murgiondok nagusitu be­harko luke gaur, jubeniletan. Hernaniarrak gehiago jotzen du Fernandezek baino, eta Lujanbiok lan horretan lagun­tzea du helburu.

10garren finala, 4garren txapela?
Hirugarren urtez jarraian sartu da Hernani finalera, Herriartekoan, denboraldiko txapelketa famatuenean. 10ga­­rren finala du bere historian, eta 3 aldiz irabazi du txapela. Gaur, laugarren aldiz irabazi dezake, eta zaletu asko joango da langintza horretan lagun­tzera, Hernanitik. Sarrerak hartu litezke, Atano IIIean.