Kolorezko blusak, txarangak eta koadrila giroa izango dira gaur protagonista, Koadrilen Eguna izaki. Eta hori horrela, 13:00etan, koadrilen arteko brindisa izango da Gudarien plazan. Ondoren, 14:00etan, denek elkarrekin bazkaltzeko aukera izango dute Tilosetan.
Debekatzeko eskaera
Dignidad y Justiciak eskaera egin du brindisa eta bazkaria suspenditzeko, terrorismoa goratzeko susmagarriak direlakoan. Audientzia Nazionalean dago gaia.
Txarangak, jolas eroak eta kontzertuak
Koadrilen Egunean ezin hutsik egin txarangek eta hiru izango dira egun osoan zehar: 11:00etan, Betiola-Elizatxo; 19:00etan, Betikoak; eta 00:00etan, Incansables.
Horrez gain, jolas eroak antolatu dituzte arratsaldeko 19:00etan eta kontzertuak gaueko 23:00etatik aurrera, besteak beste. yy