Bi zerbitzu berri, herriko talde eta elkarteentzat

Udalak jakinarazi duenez, herritarrek bi zerbitzu berri izango dituzte eskura hemen­dik aurrera: megafonia era­mangarria, bata; eta itzul­pe­nerako maleta, bestea.
Au­rrez kargatu eta prestatu egin behar direnez, aurrez eskatzea gomendatu dute.

Megafonia, Biterin
Bi tresnako megafonia era­man­garria da, eta sistema berria Biteri kultur etxeak kudeatuko duela jakinarazi du Udalak berak. Hortaz, bertan egin behar da eskaera; hiru modu daude horre­tarako: tele­fonoz, emailez edota aurrez aurre.

Maleta, Euskara-Hezkuntza sailak
Itzulpen maleta, aldiz, 29 aurikularrekoa da, eta Her­nani Erabaki 2015 prozesuan herritarrek aukeratutako pro­po­samena da. Kasu honetan, eskaerak Euskara-Hezkuntza zerbitzuan egingo dira.

Taldeen lana bultzatu eta erraztea, helburu
Halaber, Udalak bi zerbitzu berri hauek eskaintzearen helburua ere jakinarazi du:  «elkar­tegintza eta herritar ak­tiboen eta parte-hartzaileen jarduna bultzatu eta erraztu nahi dugu».