Apirilaren 4an iritsiko da Korrika Astigarragara, eta AEK euskaltegia hasi da Batzordeak osatzeko deia egiten.
Astigarragan, hilaren 24rako deitu dute Korrika Batzordea, arratsaldeko 15:00etan kultur etxeko bilera gelan. Edonork lagundu dezake Korrika antolatzeko lanetan, eta dei egin dute, animatzeko.
Bilera gehiago, inguruko herrietan
Astigarragako Korrika Batzordeko bilerara joan ezin duenak, izango du aukera, baita ere, inguruko herrietan egingo diren bileretara joateko.
Urnietan, hilaren 27an jarri dute zita, eguerdiko 12:00etan kultur etxeko areto nagusian, eta Hernanin ere egun berean deitu dute bilera, arratsaldeko 18:00etan AEK euskaltegian.
Kilometroak erosteko aukera izango da astelehenetik aurrera.
Kilometroak eta materiala salgai, Korrika laguntzeko
Bestalde, astelehenetik aurrera salgai jarriko dira Korrika laguntzeko kilometroak; familia, elkarte, lagun koadrila eta abarrek aukera izango dute kilometro bat erreserbatu eta bertan lekukoa eramateko, diru ekarpen batekin Korrika laguntzearekin batean. Horre-tarako, 946 464 000 telefonora deitu edo gipuzkoa@korrika.eus helbidera idatzi behar da.
Era berean, salgai dago Korrikako materiala, www.korrika.eus webgunean.