Aurreko asteburuan bukatu zen, Lasarte-Oriako tiraldiarekin, Taldekako Gipuzkoako Txapelketa. Segurako Txoritegi nagusitu zen, eta Hernaniko taldeetan onena, Elur Txori izan zen, zazpigarren postuan, 462 brilarekin. Bederatzigarren sailkatu zen CD Hernani, 426 brilarekin, eta hamargarren Ur-Mia, 377rekin.
Eguneko bolari onena ere, segurarra izan zen, Xepeiño Agirre, 47 brilarekin. Gehien bota zituztenen artean, zazpigarren geratu zen Miguel Arrospide hernaniarra, 44 brilarekin.
Bikotekako Txapelketa, bihartik
Bihartik aurrera, berriz, beste txapelketa bati ekingo diote bolari hernaniarrek. Bikotekako Gipuzkoako Txapelketa hasiko dute Aian, eta lau tiraldi izango dira guztira; bigarrena, hain justu, datorren igandean Hernanin.
Bihar, goizez zein arratsaldez izango da apuntatzeko aukera, Aian; 09:00etatik 11:00etara, eta 16:00etatik 17:00etara.