Pala Txapelketa Herrikoia prestatzen hasi da Astigarragako Gazte Asanblada. Otsailaren 18an izango da, eta izenematea irekita dago, otsailaren 4ra arte.
Zipotzan irekita, izenematea
Mundu guztiak parte hartzea nahi dute, baina ez, edozein modutan. Bikote mixtoek hartu ahal izango dute parte.
Izena ere, bikoteka eman behar da, eta otsailaren 4ra arteko epea dago horretarako. Zipotza tabernan apuntatu behar da, eta momentuan bertan ordaindu beharko da; bikoteko, 5 euro.
Giro ona sortzea, helburu
Txapelketa otsailaren 18an jokatuko da, arratsaldeko 16:00etatik aurrera, frontoian.
Honekin giro ona sortzea dauka helburu, Gazte Asanbladak: «edozein animatzea gustatuko litzaiguke, denon artean giro ederra sortzeko». Parte hartzeko deia luzatu dute horrela, garrantzitsuena ez baita palan iaioa izatea; baizik eta ondo pasatzeko eta batak besteari erakusteko gogoa jartzea.