Landareren egoera ikusita, ez zegoen derbia bihar jokatzerik, eta atzeratzea eskatu zuen Hernanik, Gernikarekin hala adostuta. Eskaera onartu du Espainiako Errugbi Federazioak, eta ez da derbirik izango bihar.
Orain, bi taldeen artean erabaki beharko dute, adostuta, noiz jokatuko duten derbia. Urtarrilaren 25era arte daukate horretarako, Diziplina Batzordeak hala erabakita.
Bestela, Batzordeak jarriko ditu eguna eta ordua.
Ohorezko Mailako 14garren jardunaldia zen biharkoa, baina hori baino lehen jokatuko du 15garrena, Hernanik: datorren asteburuan, Santboianaren zelaian.