Hernanin Kooperatzen esperientzia bi urtez aurrera eraman ondoren, KoopFabrika ekintzailetza programa berria jarri dute martxan Beterri-Buruntza, Debagoiena eta Oarsoaldea eskualdeek, tokian tokiko instituzio eta eragile lokalekin elkarlanean.
Otsailaren 1etik aurrera
Ekintzailetzari eduki sozial, kooperatibo eta eraldatzailea emateko asmoa dauka KoopFabrikak, arlo teoriko zein praktikoa uztartuz.
Otsailaren 1ean hasiko den programak arlo teoriko komuna lantzeaz gain, ekintzailetza sozialerako tresnen erabilpenean trebatzeko eta, martxan diren proiektuak bisitatzeko aukera izango da, eta proiektuei pertsonalizatutako garapen eta saretzerako tutoretzak ere eskainiko dituzte.
Informazio gehiago, webgunean
Ideia bat daukatenek, dagoeneko enpresa txiki baten jabeak direnek... aukera dute ekintzailetza programa berrian parte hartzeko. Informazio gehiagorako, edota izena emateko: koopfabrika.eus, beterri-buruntza@koopfabrika.eus edo 688 84 95 40. Horrez gain, sare sozialetan ere emango dute programaren berri.