Asteburu ona izan zen aurrekoa Hernaniko Eskubaloi Taldearentzat. Denek irabazi egin zuten, batek izan ezik, berdinduta bukatu baitzuen norgehiagoka.
Lanaren fruitua
Dena den, emaitzez gain, eskubaloi taldeko kideen jarrera eskertu nahi du klubak: «emaitzez aparte, txalotzekoa da taldeek erakutsitako jarrera eta eman duten itxura. Nesketan, infantil mailako Hernani Bk eta alebinek, edota alebin mutilek nola gozatu duten ikustea ere ederra izan da».
Horrez gain, entrenamenduetan egiten duten lana ere goraipatu nahi izan dute: «aipatzekoa da, baita ere, entrenamenduetan landutakoa, fruituak ematen ari dela egiaztatzea, kadete mutiletan edo Hernani A taldeetan ikusten den bezala».
Horregatik guztiagatik asteburu hau «borobila» izan dela onartu du Hernaniko Eskubaloi taldeak eta mezu bat luzatu diete jokalariei: «aurrera neska-mutilak!». yy