«Gaiari jarraipena egitea da helburua eta jendeari gogoraraztea erreklamatzeko aukera duela»

Aldaketak izan dira duela gutxi zoru klausulen dirua berreskuratzeko baldintzetan, eta horien berri emateko, hi­tzaldia antolatu du Her­na­niko Ka­leratzeak Stop taldeak gaur­ko. Arratsaldeko 19:00etan izan­­go da, Biteri kultur etxean.
Gaiari heldu eta herritarrak informatzeko, hiru aditu gon­bidatu ditu Kaleratzeak Stop taldeak: Pedro Pelaz eta Enri­que Astiazaran aboka­tu­ak, eta Mertxe Garcia ekonomilaria.

Gaiari eustea, helburu
Pedro Pelaz abokatu herna­niarrak azaldu duenez: «ge­hien­goak badaki zoru klau­su­la zer den, beraz, gaiari ja­rrai­pena egitea da hel­burua, eta jendeari gogo­raraztea erre­kla­matzeko au­kera duela». 
Izan ere, Pelazek jakina­razi du  azkeneko hila­betean alda­ketak egon direla: «atze­ra­­era­gina 2013ko maia­tze­an ezarri zuten Espaini­ako Tri­bunalek, baina Espainiako legeek bat ez zetozenez, Euro­pan jarri zen errekurtsoa; orain, Europar Batasuneko epaileek aben­duaren 21eko sententzian diote kontra­tuaren hasiera­tik egin behar dela itzultzea». 
Hori kontuan hartuta, hi­tzal­dian azalduko dute nola atzeman eskrituretan zoru klausula dagoen, zer­gatik den gehiegizkoa... eta batez ere, espero dute «jen­deak par­te-hartzea», eta «argi edukitzea erreklamatu daitekeela».