Asteburuan hasi eta astelehenera arte, euria izan da protagonista, eta horrekin, Urumea ibaia bera.
Alerta laranja ere eman zuen Babes Zibilak astelehen eguerdira arte, eta atera ziren urak zenbait tokitan. Baina eguerdia iristerako, alerta horira jaitsi zen abisua. Hotzak hartu du orain, protagonismoa.
Ateratako urek, kalte txikia
Asteburuan botatako euriak eragina izan zuen Urumea ibaian, eta urak atera ziren zenbait tokitan; besteak beste, Ergobiako zubi bazterretan, baratzetan. Ez zen bestelako kalterik izan.
Hernanin gehixeago nabaritu zen Urumea hazi zela; Landareko errugbi zelaia ur azpian geratu zen, oso-osorik.
Euririk ez, baina hotza, galanta!
Astelehenetik hona ateri eutsi dio zeruak, baina hotza iritsi da; izotza dela eta, abisu horia emana dago, gaur arte.