buruntzaldea-Beterriko gazteei lan merkatuan sartzeko aukera eman nahi die Beterri-Buruntzaldeko Udalek, eta helburu horrekin Txertatu Merkatuan proiektua jarri du martxan. Nahia da, langabezian dauden gazteei eta ikasten ari ez direnei lanera itzultzeko aukerak ematea. 21 eta 29 urte bitarteko gazteei dago zuzendua. Proiektua 3 urterako da, eta aurrenekoa da orain martxan jarri dutena, lan bertikalekoa.
Buruntzaldeako gazteek, lehentasuna
GARAPENek eramango ditu aurrera Txertatu Merkatuan programaren bueltan garatuko diren hiru proiektuak, eta Andoaingo Udalak kudeatuko ditu. Jakinarazi dutenez, aurreneko proiektua martxan da dagoeneko: lan bertikalekoa. Urtarrilaren 31n hasiko da eta ekainaren 9ra arte emango dituzte prestakuntza saioak, besteak beste, gizarte eta lan orientazio eta integrazioko teknikei buruz. Prestakuntza egiten dutenek IRATA nazioarteko ziurtagiria jasoko dute. Ondoren 180 orduko praktikak egingo dituzte.
Gogoratu dute 12 plaza daudela, eta izena eman nahi duenak zabalik duela epea; Buruntzaldeako gazteek lehentasuna izango dute. Izena urtarrilaren 30a bitartean eman daiteke Andoaingo Urigain etxean.