Atzo goizean jokatu zen aurreneko jardunaldia, Pasaian, Gipuzkoako batel Ligaren barruan. Eta estreinakoan, sei batelekin aritu zen Hernaniko Arraun Elkartea, maila desberdinetan. Aurreneko bostetan sartzerik, ordea, ez zuten izan hernaniarrek.
Seigarren izan ziren senior mailako emakumeak, atzetik Zumaia utzita. Baina postu nabarmenena, beharbada, mutil infantilek lortu zuten, 7garren sailkatuta, 15 batelen artean.
Beste 15 atera ziren jubeniletan ere, eta 8garren eta 15garren izan zen Hernani, bi batelekin.
Mutil kadeteak 10garren izan ziren, eta neska promesak, azkenik, 12garren.