Pasa den asteburuan bi probatan hartu zuten parte atleta hernaniarrek, eta argi utzi zuten Gabonetan ere ez dutela atsedenaldirik hartu; hala erakusten dute emaitzek.
De Solek, brontzea
Batetik, beteranoen Euskadiko Txapelketa jokatu zuen Txelu De Solek Donostiako belodromoan, eta brontzea lortu zuen pista estaliko 3.000 metroko proban, M40 kategorian.
Errege Krosean, beste bost domina hernaniarrek
Bestetik, igandean jokatu zen Errege Krosa, Uliako Gimnastikak antolatuta; eta Euskadiko Txapelketa ere izan zen proba, errepideko 10 kilometrotan.
Seigarren izan zen Maitane Guerrero, 37:54 denborarekin; baina Euskadiko Txapelketako hirugarren, eta beraz, brontzea jantzi zuen, maila absolutuan.
Kadeteetan, berriz, CD Hernaniko bi mutil igo ziren podiumera: Unai Iraola bigarren, eta Jon Tolosa hirugarren. Eta hirugarren sailkatu zen baita ere, infantil mailan, Gorka Lopez de Arregi.
5 kilometrokoan, hirugarren izan zen Thomas Gambino.