Erremonteaz gozatzeko beste aukera bat izanen da gaur Galarretan, arratsaldeko 16:00etatik aurrera. Bertan jokatuko du, ohi bezala, Zubiri goizuetarrak; oraingo honetan Erburu izanen du bikotekide, eta Barricart eta Garces, aldiz, aurkari. Aurreneko partidua izanen da beraiena, eta 35 tantotara jokatuko dute. Ostegunean ere, bertan izan zen Zubiri, eta Zeberio IIarekin batera, 40-35 garaitu zituen Ansa II eta Endika.