«Bukaera mundiala», Umore Ona Pilota Txapelketa errematatzeko

Abendu hasieratik giro ezin hobea izan da Goizuetako pi­lo­ta­lekuan. Aurreneko aldiz, Umo­re Ona Elkarteak Pilota Txapelketa antolatu du herrian bertan, eta dozenaka izan dira parte hartu duten pelotariak, ber­takoak zein kanpokoak. Aben­duaren 20a bitartean, hiru asteburutan jokatu dira jar­dunaldiak; eta final haun­dia joan den asteburuan izan zen. 

Lau partidu, finalean
Final haundian, lau partiduz gozatzeko aukera izan zuten frontoira bertaratutakoek.
Umeen mailan bi partidu jokatu ziren: lagunartekoa eta final haundia. Lagunartekoan A. Salaberria eta M. Garmendia nagusitu ziren, 22-18, A. Sa­gar­dui eta O. Ruizen kontra. Finalean berriz, sala­berria­tarrak izan ziren nagusiak: J. Salaberriak eta M. Salaberriak irabazi zuten 18-14, X. Apeze­txea eta E. Iturainen kontra.
Kimuen finalean ere, presente izan ziren Salaberria eta apezetxeatarrak; kasu honetan ere, aurrez aurre. A. Salaberriak eta Agestak eman zuten mailarik onena, eta berea izan zen txapela: 18-15 irabazi zuten O. Legarreta eta B. Apezetxearen kontra.
Azkenik, gazte mailako finalean, erakustaldia eman zu­ten Sein eta Etxeberriak; 
e­rraz nagusitu ziren, 22 eta 7, Orbegozo eta Gartziaren kontra. 
Saribanaketan izan ziren Jon Apezetxea ASPEko in­ten­dente goizuetarra, Axier Olai­zola pelotari goizuetarra, eta Jesus Porrorron, Nafarroako Federazioko ordezkaria.

«Ikaragarria izan da herriko frontoian bizitu den giroa»
Txapelketaren aurreneko edi­zioa izan da jokatu berri dena, eta antolatzaileak pozik daude guztiek emandako erantzu­na­rekin: «ikaragarria izan da as­teburu hauetan guztietan bi­zitu den giroa. Eta bukaeran, fi­naleko partiduak ere, mun­dia­lak izan dira, partidu ederrak ikusi dituzte bertaratu direnek».
Esker hitzak ere izan di­tuzte antolatzaileek txapel­ke­taren parte izan diren guz­tientzat: «eskerrak eman nahi dizkiegu berriz ere Txapelketan zehar laguntza eman diguten guztiei, epaile lanetan aritu diren bo­luntarioei, eta sari banaketara gerturatu direnei. Era berean, eskerrik asko as­tebururo etorri diren pilotariei eta frontoira partiduak ikus­tera gerturatu diren herritar zein kanpotar guztiei» Aurtengo arrakasta ikusita, datorren urtean ere txapelketa antolatu ahal izatea espero dutela azpimarratu dute an­tolatzaileek.

Zozketako zenbaki sarituak: bost   
Bestalde, txapelketan saldu di­tuzten zenbakien artean, sa­rituak atera dituztela ere ja­kinarazi du Umore Ona el­kar­teak. Bost zenbaki saritu atera dituzte: lehenengoa, 1167; bi­ga­rrengoa, 3961; hirugarrengoa, 3801; laugarrengoa, 1480; eta bosgarrengoa, 2077. Saridunek hilaren 22ra arte dute el­kar­tearekin harremanetan jartzeko. Horretarako: umoreonapi­lo­tael­kartea@hotmail.com.

Euskal Ligako partidua gazteek, bihar
Umore Ona txapelketa alde ba­tera utzita, Goizuetako pi­lo­tariek beste hainbat hitzordu dituzte datozen egunetan. Bi­har esaterako, Euskal Ligan, gazteen mailan Umore On­a­rekin ari diren bi pilotarik dute zita: Aizkorbe eta Apezetxeak. Aurrez aurre, Bergara el­kar­teko Murua eta Gartzia izango dituzte. Partidua Goizuetako pilotalekuan bertan jokatuko da, 11:30etataik aurrera. Goi­zuetarrak gonbidatuta daude bertaratu eta animatzera.