Asteburu gazi-gozoa izan da Astigarragako txirrindularientzat. Kadeteentzat esaterako, ez zen asteburu ona izan. Telmo Semperenak 4garren egin zuen scracht proban; Julen Dorronsoro liderraren atzetik bukatu zuen. Bigarren proban ere ez zuen egunik onena izan Telmo Semperenak: atake batzuk burutu zituen arrean, egoeraren kontrola segituan berreskuratzen zuen tropelak. 11garren egin zuen, beraz, ez zuen punturik lortu sailkapen orokorrerako. Proba baten faltan bigarren jarraitzen du Telmo Semperenak sailkapen orokorrean; liderrarekin duen aldea ordea, haunditu egin da azken jardunaldi honen ostean; lehenengo sailkatuak 11 puntu gehiago ditu. Eta atzetik, hirugarren sailkatua ere geroz eta gertuago du, 3 puntura soilik. Azkeneko jardunaldia beraz klabea izango da, eta dena eman beharko du podiumera igo ahal izateko.
Jaime Romero berriz, protagonista izan zen azken jardunaldian, txirrindularitzan esaten den moduan, jardunaldiko ‘petada’ haundiena berea izan baitzen. Scracht proban 17garren egin zuen; puntuazio proban berriz, oso ausarta izan zen, eta tropela harri eta zur uzten saiatu zen behin baino gehiagotan. Talde txiki batekin egin zuen ihes, eta hirugarren sprintean puntuatzea lortu zuen. Hori eta gero, hustu egin zen, eta pixkanaka postuak galtzen joan zen. Tropelak harrapatu ere egin zuen, eta ez zen gai izan txirrindulari multzoa jarraitzeko; azkenean erretiratu egin behar izan zuen. Egun txarra izanda ere, 14garren jarraitzen du sailkapen orokorrean.
Urko Semperena, bikain
Junior mailan, Urko Semperenak dena eman zuen, nahiz eta gaindiezina den liderra duen aurretik. Semperenak bigarren egin zuen bi probetan, eta azken jardunaldiaren faltan, 23 puntuko aldea du liderrarekin.
Bio Racer Sariko azken jardunaldia bihar jokatuko da 09:30etan, Belodromoan.