Bihar izango du azkeneko lan topaketa, Lizeaga 3.0 prozesu partehartzaileak. Urumea ikastolan izango da saioa, goizeko 10:00etatik 12:00etara.
Eta bertan, aurkeztuko du talde dinamizatzaileak, auzoa bere onera ekartzeko proposamen orokorra. Ideia tailerren emaitzekin osatu dute proposamen orokor hori. Tailerretan aipatu ziren, besteak beste, garraioaren irisgarritasuna, ibilgailuen mugikortasuna, tokiko azoka, lokal hutsak edota etxebizitzetako irisgarritasuna.
Behin proposamen orokorra aurkeztuta, beste fase batean sartuko da prozesua, aurreratu dutenez: «hemen hasiko da auzoa bere onera ekartzeko prozesua! Beraz, orain... pentsatu, diseinatu, gauzatu!», luzatu diete deia auzotarrei.