Argazki erakusketa jarriko dute Biterin, hogei egunez, bost argazkilarik. Ostegunean inauguratuko dute, arratsaldeko 19:00-19:30ak aldera.
Xabier Arnaizek, argazkitan irudikatuko ditu Xabier Leteren bertsoak, erakusketan. Pablo Bengoetxeak, berriz, argazki estenopeikoak jarriko ditu, poto berezi batzuekin ateratakoak; lau hilabetez eduki ditu martxan, toki jakin batzuetan, eta besteak beste, eguzkiaren traiektoria ikusi ahal izango da argazkitan.
Abstraktuak izango dira, bere aldetik, Maria Mamerta Agirreren argazkiak, eta bitxiak Mendi Urruzunorenak. Eta Isidro Rodriguezek, azkenik, argazki sedosoak jarriko ditu: itsasoan olatuei argazkiak atera, bost minutuz berdin, eta azkenerako ez dira olatuak ikusten, bruma moduko bat baizik.
Otsailaren 1era arte ikusgai
Argazki erakusketa, ostegun honetatik otsailaren 1era arte egongo da ikusgai: astelehenetik ostiralera, goizez eta arratsaldez (10:00-13:00 eta 17:30-20:30); eta larunbat goizetan ere bai (10:00-13:00).