Bi hilabete inguru geratzen dira Korrikak 20garren edizioko ibilbideari ekiteko: Otxandiotik Iruñearako bidea egingo du aurten. Euskal Herri osoko bazter eta errepide ugari zeharkatuko ditu Korrikak, eta herri horietako bat izango da Astigarraga. Astelehenean eman zuten ibilbidearen berri, eta apirilaren 4an iritsiko da Astigarragara, Hernanitik barrena. Eguerdiko 11:44ak aldera iritsiko dela aurreikusi dute.
Kilometro erreserba, urtarrilaren 23tik aurrera
Edizio guztietan bezala, aurten ere kilometroak erreserbatu eta erosteko aukera dute familia, elkarte, lagun koadrila eta abarrek... Urtarrilaren 23tik aurrera egin daiteke erreserba hori.