Birfundazio Prozesuan, Sortuk «Kongresu eredua eta metodologia garatu» nahi izan ditu. Horrela, «zuzendaritzaren erdia baino gehiago zerrenda irekien bidez» aukeratuko dela azpimarratzen du.
Hain zuzen, akreditatutako herritarrek proposatutako 373 hautagaietatik, 38 izango dira azkenean, Kontseilu Nazionala osatzeko hautagai, eta urtarrilaren 20ko gauera arte irekita dago hautagaiak eta emendakinak bozkatzeko epea; Kongresua 21ean egingo da.
Hernaniarrak, bi hautagai
Dagoeneko Kontseilu Nazionala osatzen duten kideekin batera aritzeko, beste 15 aukeratu behar dira orain. Aipatu bezala, 38 hautagai daude aukeran; tartean, Elena Beloki eta Marian Beitialarrangoitia, Hernanitik.
Sortuk azaldu du «denon iritzia eta parte hartzea garrantzitsua» dela, baina gogorarazi du akreditatuta egon behar dela, bozkatzeko.