Txertatu Merkatuan programaren bidez, formazioa eta lanerako aukera eman nahi dizkiete Beterri-Buruntzaldeko Udalek, langabezian dauden eta ikasten ari ez diren 21 eta 29 urte bitarteko gazteei. Formazioa jaso eta praktikak egiteko hiru programa jarriko dira martxan, eta aurrenekoan eman daiteke izena; lan bertikaletan aritzeko formazioan, hain zuzen. Horretarako, Andoaingo Urigain Etxea, 943 30 42 21 telefonoan edo txertatumerkatuan@andoain.eus.