Azken txanpan sartu da Kalera Kalera ekimena, presoen alde, preso ohien kolektiboak martxan jarri duena.
Gaur, ekitaldi nagusian parte hartzeko deia egin dute, Donostian.
Giza katea, bi zutabetan
Arratsaldeko 18:30etatik aurrera, bi zutabetan abiatu eta giza katea osatzea da asmoa. Zutabeetako bat Alderdi Ederretik aterako da, eta bestea, Haizearen Orrazitik; Kontxako badia kandelekin argiztatu nahi dute, horrela.
Hernaniko preso eta iheslarien senide eta lagunek ere, bat egin dute gaurko zitarekin. Horregatik, kontzentraziorik ez da izango herrian.