Oinetakoak ondo garbituta edukitzea komeni da gaur gauerako, Errege Magoak bidean baitira.
Arratsaldeko 18:00etan hasiko dute kale-buelta Musika Bandak eta txistulariek lagunduta, eta udaletxean bukatuko dute, hernaniarren azken eskari eta desioak biltzen dituzten gutunak jasotzeko.
Kabalgataren hasiera, Biteri atzealdetik
Aurten azoka egunarekin egin du bat errege kabalgatak, eta Berriak elkarteak jakinarazi du ohiko ibilbidea egingo den arren, ez dela Marielutsetik aterako; Urbieta kaletik, Biteri atzealdetik aterako da, taxien geltokia dagoen horretatik. Izpizuan gora egingo dute gero, eta arkupetatik Plazara sartu eta Kaxkoan barrena buelta eginda, Plazan bukatuko dute.
Kale-bueltaren aurretik, noski, Zaharren Egoitzara ere egingo dute bisita, Errege Magoek.