Telmo Semperena, lidertzatik gertuago

Txanponaren bi aldeak bizi zituzten txirrindulari astigar­ta­rrek, joan den larunbatean, pistako Bio Racer Sarian. Jardu­naldi bikaina izan zen sei­ga­rren hau, herriko ka­dete­­entzat; baina ez ziren emai­­tza onenak izan Urko Sem­pe­rena juniorrarentzat, ondo aritu bazen ere.

Jaime Romero, bikain
Maila bikainean aritu zi­ren Jaime Romero eta Telmo Semperena kadeteak. Aurre­nekoak, 5garren egin zuen eliminazioan, eta 9ga­rren puntuazioan; horrekin, bi postu egin ditu aurrera sail­kapenean, 14garren jarrita.
Telmo Semperenak, bere aldetik, 10garren egin zuen eliminazioan, eta 4garren puntuazioan. Eta horrela, puntu bat gertuago dauka Julen Dorronsoro liderra, hiru puntura besterik ez, bi jardunaldi falta direnean.
Gertuago ez, urrutiago dau­ka liderra orain, Urko Sem­pe­re­nak, juniorretan. 7garren izan zen tempo proban, eta 3garren puntuazioan; baina Unai Iribar liderrak erakus­taldia eman zuen, eta 11 pun­tu gehiago ateratzen dizkio orain, 17 guztira. Gainera, Patxi Darthayettek berdindu du, bigarren pos­turako lehian.
Asteburu honetan izango da azkenaurreko jar­du­nal­dia, Anoetako belodromoan.