Kultur arlo askok izango dute bere txokoa, urte berriaren hasiera honetan, Astigarragako agendan. Denetik pixka bat izango da: antzerkia, zinea, magia, musika, ikastaroak...
Eta horri guztiari hasiera, gaur emango diote, jolasean: haur parkea izango da kiroldegian; 11:30etatik 13:30etara, eta 17:00etatik 19:30etara. Bertan aurkituko dituzte haur eta gaztetxoek, mota guztietako jolasak: ludoteka erraldoia, puzgarriak, simulatzaileak, surf tabla, talo tailerra...
Eta bigarren zita, seinalatua izango da: hilaren 11n ospatuko dute Sagardo Berriaren Eguna, txotx denboraldiaren irekierarekin.
Magia ikuskizuna, 15ean
Hortik aurrera, Alizia ipuin kontaketa, Phantom boy pelikula edota Jainko basatia antzezlana eskainiko dituzte. Eta 15ean, magia ikuskizun berezia izango da kultur etxean: Magia lapurra.
URTARRILEKO KULTUR AGENDA
4 Haur parkea: ludoteka erraldoia, puzgarriak, pista amerikarra, simulatzaileak, surf tabla, 5D zinema kabina, talo tailerra... Kiroldegian, 11:30etatik 13:30etara, eta 17:00etatik 19:30etara.
10 Gurasolagun ludoteka eta tailerra berriro martxan. Ikastolako oporren ondoren zabalduko da berriro ludoteka, astearte eta ostegunetan, 16:45etatik 18:00etara. Eta abenduaren 17an, tailerra egingo dute; izena eman behar da aurrez. Ikastolako aretoan izango dira denak.
11 XXIV. Sagardo Berriaren Eguna.
12:00etan kultur etxean, 2016ko uztaren eta sagardo berriaren aurkezpena. Gero, ondoko sagastian sagarrondo berri bat landatuko dute.
Txotx irekiera, Zapiain sagardotegian.
18:30etan Murgia jauregian, familientzako sukaldaritza tailerra, sagardotegiko menua prestatzen ikasteko. Ondoren, txotx irekiera herrikoia, pintxo eta sagardo dastaketa, musika, kantak...
13 Musika emanaldia: gitarrako ikasleak. Norberto Almandoz musika eskolan, 18:00etan.
11, 18 Automakillaje ikastaroa, Zilegi Eskola. Partehartzaile bakoitzak, bere makillatzeko produktuak eraman beharko ditu. Nabarra Oñatz kaleko lokalean, abenduaren 11n 09:30etatik 11:30etara, eta 18an 18:30etatik 20:30etara. Izenematea, doan: AEKren lokalean, edo astigarraga@aek.eus.
12, 18 Txalaparta ikastaroa, Zilegi Eskola. Kultur etxean, abenduaren 12an 18:30etatik 20:30etara, eta 18an 09:30etatik 11:30etara. Izenematea, doan: AEKren lokalean, edo astigarraga@aek.eus.
12 Alizia herrialde miresgarrian, ipuin kontaketa, Lur Kortaren eskutik. Liburutegian, 18:00etan 3-5 urtekoentzat, eta 18:30etan 6-9 urtekoentzat.
15 Magia lapurra ikuskizuna: Asier Kidam magoa, Alfonso Diez eta Iraitz Lizarraga antzezleak, eta Bittor Agirre pianojolea. Kultur etxean, 17:00etan.
16 Literatur solasaldia, Marian Engelen Oso liburuari buruz. Jorge Carrerok zuzenduta, gaztelaniaz. Liburutegian, 19:30etan.
21 Phantom boy, zinea. Animazioa, 84 minutu, euskeraz. Sarrerak, 2 euroan egongo dira salgai. Kultur etxean, 17:00etan.
27 Musika emanaldia: pandero eta eskusoinuko ikasleak. Musika eskolan, 19:00etan.
28 Jainko basatia, antzerkia. Yasmina Reza antzerkigile frantsesaren obraren itzulpena. Bi guraso bikote elkartuko dira, beraien semeen arteko sesio batez eztabaidatzeko. Sarrerak, 6 euroan salgai. Kultur etxean, 20:00etan.