Salah Amaida eta Maitane Gerrero nagusi, urteko azken lasterketan

300 lagunetik gora izan ziren larunbatean, urtea Wukroren alde korrika bukatzea erabaki zutenak. Festa giroan, mozo­rro­tuta eta Plazan hasi eta bu­ka­tzeak ematen duen xar­ma­rekin jokatu zen Hernaniko San Silbestrearen laugarren edizioa. Gizonezkoetan, aur­ten­go irabaz­lea, bizkorrena, Sa­lah Amaida sa­ha­rarra izan zen 11:55:29ko den­borarekin; Amaidak irabazi zuen baita ere 2013ko San Silbestrea. Ema­kumezkoetan Maitane Ge­rrero hernaniarra izan zen azkarrena, 13:57:89ko denbora eginda. Gizonezkoetan bi­ga­rren sailkatua ere hernania­rra izan zen: Andoni Ola­za­girrek 11:55:94 be­har izan zituen ia 4 kilome­troak egite­ko; emakumezkoetan berriz, Irunetik etorritako Idoia Picok egin zuen bigarren denbora onena: 14:19:34. Podiumera hirugarren tokian joan den urteko txapelduna igo zen, gizonezkoen kasuan: Yohanes Merino, 12:09:89 eginda; ema­kumezkoetan berriz, herna­niarra izan zen hirugarren bizkorrena: Lierni Zinkunegik 14:31:09 behar izan zuen las­terketa bukatzeko.