‘Mozoloaren bidea’ zein den ezagutu nahi?

Ainara Azpiazu Axpik era­kus­keta jarria du Biterin: besteak beste, liburuetarako egin dituen margo originalak jarri ditu ikusgai; mural bat ere margotu berria du... Eta ger­turatzen denari bisita gidatua ere egiten dio, nahi izanez ge­ro.  Erakusketa urtarrilaren 5a arte dago zabalik 17:30etatik 20:30etara.

Ipuin kontaketa, gaur
Dobera Euskara Elkarteak ar­gitaratu berri duen Mozo­loa­ren bidea liburuko ilustra­zioak ere Axpirenak dira eta ikusgai daude era­kus­ketan bertan. Eta horien atzean dagoen istorioa ezagutzeko ba al dago ipuina kontatzea bai­no modu hoberik? Erakusketa aprobe­txatu eta ipuin kon­taketa antolatu dute gaur Ax­pik eta Dobera Euskara Elkarteak elkarla­nean; 17:30etan izango da kultur etxean. 
Ipuina bera ja­torriz ar­meniarra da eta bi hizkun­tzetan dago argitara­tua: beraz, ar­me­nieraz eta euskeraz izan­go da gaurko kontakizuna. Je­xux Eiza­girrek, euskerazko ber­tsi­oa­ren egileak aurkez­pe­nean azal­du zuen, pentsa­razi egi­ten duen ipuina dela Mozolo­aren bidea: aur­kez­pe­nean zioen moduan,  «ipui­na­ren morale­ja da, mozoloa dela premia due­nari lagun­tzen ez diona. Mezu horrek indar haundia dauka gaur egungo giza­rtean». Herriko txiki eta ez hain txikiak gonbidatuta daude gaurko aurkezpenera. Liburua bertan eskuratzeko aukera ere izango da.

‘KomikHitzaldia’, etzi
Axpik erakusketan jarri ditu erakusgarri baita ere Altza Porru liburuaren orijinalak.  Ho­ri aprobetxatuz KomikHi­tzal­dia antolatu dute etzi, 19:00­etan, Biteri kultur etxean. Altza Porru liburuaren aur­kez­pena egingo dute bertan, eta Jakoba Erre­kon­dok baratzea­ren sekre­tu guztiak deskriba­tu­ko ditu bertan. Altza Porru liburuko marrazkilariak ere izango dira bertan. Umorea, parte­hartzea eta sormena uz­tar­tuko dituzte KomikHitzal­dian.