Urte Zaharreko piroteknia erabilera dela eta, hainbat gomendio eman ditu Udalak, prentsa ohar bidez: «Udalaren ardura da herria eta herritarren segurtasuna bermatzea». Hori eta Urte Zaharrean piroteknia erabiltzeko dagoen ohitura uztartuz, Gobernu taldeak erabaki hauek hartu ditu: «15 minutura murriztea piroteknia erabilera, 00:00etatik 00:15etara; Kaxkoan piroteknia erabilera debekatzea, eraikin asko baitaude egurrezko egitura dutenak, eta sua hartu eta zabaldu dezaketenak; eta Kaxkotik kanpo, beste auzoetan, eremu irekietan soilik erabili ahal izatea».