Presoen egoeraren inguruan hausnarketa bultzatu eta herritarrak mobilizatzeko ekimenen artean, Etxeratek antolatuta, hitzaldia izango da gaur, 19:00etan Biterin: Haurrak eta Dispertsioa.
Kalteak, hainbat arlotan
Hernanin 23 preso daude, eta guztiak, sakabanatuak. Horren eraginez, Etxeratek azaldu du «11 seme-alabek 21.000km» egiten dituztela urtean: «bete-betean, kalterako eragiten die garapen psikologiko, emozional, afektibo, sozial eta kognitiboan, eta nola ez, osasunean».
Xehetasunak emango dituzte Haizea Barandiaran, haur psikologo eta txostenaren egileak; Araitz Zubimendik, espetxean ama izan den preso ohiak; Mikel Minerrek, haurra zenetik dispertsioa nozitu duen senideak; eta Itsaso Morenok, dispertsioa nozitu duten haurren irakasleak.