Beterri-Buruntzaldeko tokiko errealitatearen berri jakiteko antolatu zuten lehengo astean Ekonomia Gurean saioa, TOKIKOMek, Kronikak, Aiurrik, Noaua!k eta Txintxarrik elkarleanean, Gipuzkoako Foru Aldundiaren babesarekin.
Ordubeteko solasaldian eskualde honetako lehiakortasun maila, sagardogintza eta enpresa mundua aztertu zituzten Miren Estensoro, Orkestra lehiakortasunerako Institutuko ordezkariak; Arantxa Eguzkitza, Hernaniko Iparragirre sagardotegikoak; eta Nerea Yurrebaso, Ando-aingo Udal teknikariak. Laster www.ekonomiagurean.eus webgunean ikusi ahal izango da solasaldi osoa.
«Dibertsifikazioa» eta «egokitzea», giltzak
Besteak beste, nabarmendu zuten eskualdeko enpresa moten dibertsifikazioa eta egokitzen jakin izana direla, tokiko ekonomiaren giltzetako batzuk; hala nola, sagardogintzan. Erronkak, berriz, berrikuntza sozial eta teknologikoa edo nazioartekotzea.