Azken urteotan ohiko hizketagaia da ekonomiaren gaia, eta tokiko errealitatera hurbildu nahiean, Ekonomia Gurean saioa antolatu dute TOKIKOMek, Kronikak, Aiurrik, Noaua!k eta Txintxarrik elkarleanean eta Gipuzkoako Foru Aldundiaren babesarekin.
Tokiko ekonomia ederki ondo ezagutzen dutenen arteko solasaldia izango da, datorren asteartean goizeko 10:30etatik 11:30etara, Andoaingo Bastero kulturgunean. Edozein herritarri irekita egongo da, baina ezinbestekoa izango da aurrez izena ematea. Horretarako, www.kronika.eus web orriko inprimakia bete beharko da, edo bestela, 943 300 732 telefonora deitu.
Ekonomia Gurean saiora joateko, izena aurrez eman beharko da: www.kronika.eus edo 943 300 732.
Errealitatea ezagutaraztea eta erronkak zehaztea, helburu
Andoainen egingo den Ekonomia Gurean saioa Gipuzkoan zehar egiten den hirugarrena izango da. Oraingo honetan, Beterri-Buruntzaldea bailarako egoera aztertuko da, baita etorkizuneko erronkak zeintzuk diren aurreratu ere.
Gaiari heltzeko, tokiko ekonomiako protagonista diren hainbat eragile gonbidatu dituzte antolatzaileek: Orkestra Lehiakortasunerako Euskal Institutuko ordezkari bat; Beterri-Buruntzaldeako ekonomia gertutik ezagutzen duten bi gonbidatu; Mendi Group enpresako ordezkari bat; eta sagardo ekoizleen mundua gertutik ezagutzen duen ordezkari bat.
Streaming bidez, baita ere
Basterora bertaratu ezin daitekeenarentzat, beste aukera bat luzatuko dute antolatzaileek. Asteartean bertan, goizeko 10:30etatik 11:30etara, zuzenean ikusteko aukera izango da streaming bitartez. Kronikako web orrian jarriko da horretarako esteka: www.kronika.eus.