oSO pozik agertu da Hernani Eskubaloi Taldea, lehengo ostiralean antolatutako Eskubaloi Eskolen arteko I. Topaketak izandako harrerarekin. Bederatzi elkartetako 300 bat neska-mutilek hartu zuten parte, 16 taldetan: Ereintza, Saieko, Bera Bera, Urdaneta, Pulpo, Sanlo Elgoibar, Urola, Zarautz eta Hernanikoek, hain zuzen. «Txapeldunak denak izan dira; irabazlea, dudarik gabe, eskubaloia», azaldu dute.
Giro ezinhobean, eta laguntasuna nagusi, baina txapelketa jokatu, jokatu zen; txapeldunak izan ziren, nesketan Ereintza eta mutiletan Urdaneta, eta txapeldunorde, Pulpo, bietan. Sariak Nely Carla Albertok eman zizkien; besteak beste, 2012ko Joko Olinpikoetan brontzezko domina irabazi zuen jokalariak.