Europar Batasuneko Justizia Auzitegi Nagusiak eman du epaia, hipoteketako zoru-klausulen inguruan, eta Kaleratzeak Stop plataformak «begi onez» hartu duela jakinarazi du, prentsa oharrean: «epaiak ebatzi du baliorik gabeak direla hipoteketako zoru-klausulak, eta bankuek itzuli beharra daukatela bidegabeki kobratutako diru guztia, hipoteken hasiera-hasieratik kobratutakoa, hain zuzen».
Hori horrela, plataformak laguntza eskaini die herritarrei: «jende guztia animatu nahi dugu plataformarekin harremanetan jartzera, aholkuak eta laguntza jaso ditzaten, hipoteketan halako klausulak dituzten egiazta dezaten, eta jakin dezaten nola berreskuratu dirua, iruzurrez kobratu badiete. Bankuek ez dute esan dirua itzuliko dutenik, ezta epai irmo hori izanda ere». Laguntza eskatzeko: 943 33 65 83 edo stopdesahucioshernani@nodo50.org.
Era berean, «oportunistak ager litezkeela-eta, kontuz ibiltzeko gomendioa» egin du, eta gogorarazi du «gure burua defendatzeko modu bakarra elkarlana» dela.