Opor garaia izaten dira Gabonak etxeko txikienentzat, eta Portu auzoan badakite hori. Neska-mutilek eta auzotarrek Gabonetan elkarrekin disfrutatzeko asmoz, egitarau ederra antolatu dute datozen egunetarako. Auzoan diren ekitaldi guztiak elkarteko lokalean izango direla jakinarazi dute.
Magoa, bihar
Gabonetako aurreneko ekitaldia bihar bertan izango da: Jonmagic magoaren emanaldia. Arratsaldeko 17:30etan izango da eta auzotar guztiak daude gonbidatuta.
Karaokea, txikientzat
Ostiralean berriz, Karaokea antolatu dute auzoko txikienentzako: arratsaldeko 18:00etan dute hitzordua.
Santa Barbarara buelta, urtea agurtzeko Urteko azken egunerako ere, egin dute plana: mendi bueltan, Santa Barbarara. Goizeko 10:30etan aterako dira, Portutik bertatik.
Umeentzako pelikula, astelehenean
Urtea hasita, ekitaldiek segida izango dute. Astelehenean umeentzako pelikula jarriko dute, 17:30etatik aurrera.
Erroskilla tailerra eta merendola, bukatzeko
Eta Gabonekin bukatzeko, urtarrilaren 4an jarri dute azken zita: batetik erroskilla tailerra antolatu dute; eta errematerako, merendola. Ateak zabalik izango dituzte 16:30etan gerturatzen diren guztiek.