Zein izan dira 2015-2016 denboraldian herriko kirolari onenak? iritsi da jakiteko garaia. Herriko kirol taldeek bost hautagai aurkeztu dituzte aurten, hiru sari jasotzeko, eta herritarrak izan dira boto bidez, aukeraketa hori egin dutenak. Gaur, 18:30etan jakingo da nortzuk jasoko duten Emakumezko Kirol Saria, Gizonezko Kirol Saria eta Kirol Ibilbidearen Saria.
Ekitaldia arratsaldeko 18:30etan izango da Kiroldegiko 1go pistan, beheko kantxan. Bertan izango dira saria jasoko duten kirolariak, eta Esti Aldeiturriaga eta Inhar Olano zinegotziak.
Bost hautagai
Aipatu bezala, bost kirolari aurkeztu dituzte aurten herriko taldeek:
Emakumezko Kirol Saria jasotzeko Hernaniko arraun elkarteko Maialen traineruko neskak; edo Amaia Irazustabarrena eta Maider Huizi palistak. Giznoezkoen Kirol Saria jasotzeko hautagaia Igor Genua da. Eta Kirol Ibilbidearen Saria jasotzeko proposatuak dira Inaxio Sanz eta Joxe Zuza, edo Jose Joakin Esnal.