Gabonak ospatzeko, ekintza berri bat antolatu du Berriak Elkarteak. Bihartik ostiralera bitarte, Gabonetako txokoa jarriko dute Plaza Berrin, Kanika aisialdi taldearekin elkarlanean. Egunero izango da, goizeko ordutegian (10:30-13:30); ostiralean, arratsaldean ere izango dira (15:30-17:30).
Gai bat, egun bakoitzeko
Kanika aisialdi taldeak kudeatuko duen Gabonetako Txokoan, egun bakoitzean gai baten bueltan egingo dituzte jolas eta tailerrak: bihar, birziklatu eta jolastu; etzi, zirkoa; ostegunean, joko eroak; eta ostiralean izango dute itxiera festa.
Azkeneko hau berezia izango da, izan ere, goiz eta arratsaldeko ekintza egingo dute. Goizean arotzen eguna izango da; arratsaldean, aldiz, urteberriko ametsak eta txokolatada izango dira.