Hernaniko Irristaketa Taldeak antolatuta, abiadurako irristaketaren inguruko jardunaldi irekia egingo da gaur Urnietako Salesiar ikastetxean.
Goizeko 11:00etatik eguerdiko 13:30etara eskainiko dute aukera Hernaniko Irristaketa taldeko kideek, eta bukatzeko, pintxoak eskainiko dituzte. Partehartzea debalde da, baina patinak eta kaskoa norberak eraman behar ditu.
3 saio desberdin
Jardunaldian zehar egiteko hiru aukera edo saio desberdin antolatu dituzte. Aurrenekoa, teknika ikastaroa, 13 urtetik gorako gazte nahiz helduentzat. Bigarrena, patin mekanika ikastaroa, patinen mantenua nola egin, nola garbitu eta piezak aldatzen erakutsiko da. Eta azkena, patin jolasak, 7 urtetik gorakoentzako.
Abiadura irristaketa ezagutaraztea, helburu
Irristaketa taldea eta abiadura irristaketa ezagutaraztea da jardunaldi honen helburua.