Presoen gaiari helduko diote Hernaniko hainbat talde eta elkartek 2016ko azkeneko aste honetan. Asteazkenean izango da aurrenekoa, eta larunbatean, azkena. Kalera Kalera ekimenak, Etxeratek eta Hernaniko Sortuk antolatu ditu, besteak beste.
Asteazkenean, aurrenekoa
Etzi izango da aurreneko ekimena; Kalera Kalerak antolatuta, euskal emakume preso politikoak ikustaraztea izango da helburua. 19:00etan hasiko da, Andrekale hasieran, Plazaren iskinean.
Ostegunerako, haurrak eta dispertsioari buruzko hitzaldia antolatu du Etxeratek; 19:00etan Biterin.
Ostiralean, berriz ere Kalera Kalera ekimenaren bueltan, Giza Katea egingo da. Zinkoeneatik hasiko da, 19:00etan.
Sortuk, larunbatekoak
Eta larunbatean, urtea bukatzeko, bi zita jarri ditu Hernaniko Sortuk.
Goizean, Martuteneko espetxera martxan egingo du. Goizeko 11:00etan elkartuko dira Zinkoenean.
Arratsaldean, Ernai eta LABekin batera, euskal preso, deportatuen eta iheslarien aldeko brindisa egingo dute Plazan, 20:30etan.
Halaber, Sortuk jakinarazi du abenduan zehar egingo diren ekintza guztietan parte hartzeko deia egiten duela.