Aurten ere Bertsolata antolatu du Hernaniko Iraulio Panttalone Bertso Eskolak, eta programa honen barruan, Miren Amurizaren Kapulana bat zintzilik emanaldia izango da gaur, Biterin. Sarrera: 3 euro.
Arratsaldeko 19:00etan hasita, bertso, testu eta ipuin bidez azalduko du bertsolariak Mozanbikeko eskualde batean bizi eta ikusitakoa.
Eta hain zuzen, Mozanbikerekin lotura zuzena dauka emanaldiaren izenburuak. kapulanak Mozanbikeko emakumeen oihal koloretsuak dira, erabilera asko dituena: soineko bezala erabili daiteke, haurrei lepoan eusteko, janaria biltzeko edota etxeak apaintzeko.
Mundukide Fundazioak Mozanbiken bertan egiten duen lanaren erakusgarri izateko sortu zen ikuskizuna iaz, eta dagoeneko Euskal Herriko hainbat herritan izan da.