Hernaniko etxebizitza batean lapurreta bat izan dela jakinarazi du Udaltzaingoak Udalak Kronikara bidalitako prentsa-oharrean.
Bertan azaltzen dutenez, «adineko bi pertsona bizi diren Hernaniko etxebizitza batean lapurreta egin dute bi gizonezkok. Buzoa jantzita, txartela bat erakutsi eta adineko bikoteari esan diote Udalaren izenean zetozela etxeko errebisio bat egitera. Etxearen barruan sartu eta gizon batek errebisioa egiteko itxura egiten zuen bitartean, bestea logelara sartu eta bitxiak lapurtu dizkiete adinekoei».
Kontuz ibiltzeko gomendioa
Gertaera hauen aurrean, Udaltzaingoak ohartarazi du «amarru horrekin beste etxe batzuetara sartzen saiatu daitezkeela». Horregatik, «kontuz ibiltzeko dei berezia egiten diete bakarrik bizi diren adinekoei».