Munduko gozogintza, kaxa txiki batean izena jarri diote Anitz-lan proiektuak eman duen fruituari. Herrialde ezberdinetako pastak dastatzeko aukera jarri dute: Mexiko, Errumania eta Marokokoak dira. Hiru neurritan eskuratu daitezke: 5, 10 eta 15 euroan, Sagardoetxean, Banaiz Bagaran edo Lakarin.
Jatorri anitzeko pertsonek euskeraz lan egiteko aukera izatea du helburu Lakari Kooperatibak eta Banaiz Bagarak martxan jarri duten proiektuak, La Caixa Fundazioaren eta Astigarragako Udalaren babesarekin.
Lakari Kooperatibak eta Banaiz Bagara elkarteak jarri dute martzan Anitz-lan proiektua, La Caixa Fundazioaren eta Astigarragako Udalaren babesarekin.
Fase ezberdinak izan dira: horietako bat izan da, Astigarragako Udalak eta Banaiz Bagarak eskainitako hizkuntza ikastaroa. Proiektuan parte hartu dute, besteak beste, Hector, Abdellatif eta Adrianak, Astigarragako herritar langabetuak hiruak.
Proiektu honek eman dizkien gaitasunak etorkizunean lagungarri izatea espero dute: euskera eta sektoreko ezagutza jaso dituzte, esaterako. Anitz-lanen helburuetako bat izan da, baita ere, etorkinen kultura eta produktua gehiago ezagutaraztea. Petra Elserrek hitz egin zuen atzoko aurkezpenean, eskerrak eman zituen izandako babesagatik eta halako proiektuek duten garrantzia azpimarratu zuen: «espero dugu halako ekintzak areagotzea. Langile onak eta finak direla erakutsi dute» yy