Neguko oporrak, Gabonetakoak, alegia, hastera dijoaz, eta 3-11 urte bitarteko haur eta gazteek oporrak familiarekin gozatzeko, egitaraua aurkeztu zuen atzo Udalak. Bertan izan ziren Koro Etxeberria kultura zinegotzia; Malores Etxeberria, euskera teknikaria; Manolo Aierbe, kiroletako teknikaria, Rakel Gonzalez, liburutegiko arduraduna; eta Agurtzane Aizpuru, kultura teknikaria.
Udaleko sail desberdinen artean prestatutakoa
Koro Etxeberriak azaldu zuen aurtengoa egitarau berezia dela arrazoi batengatik: «udal sail desberdinen artean prestatu dugu». Hain zuzen: hezkuntza gazteria, inmigrazioa eta genero berdintasuna, euskera, kultura, liburutegia eta jarduera fisikoa eta kirolak sailen artean egindakoa.
Malores Etxeberriak azaldu zuen elkarlanaren zergatia: «askotan oso sakabanatuta iristen zaigu informazioa etxeetara, sail bakoitzak bere bideak eta bitartekoak erabiltzen dituelako informazioa zabaltzeko orduan». Horregatik, «aurten lan berezia egin dugu udal barnean jarduera horiek denak bildu eta gizarteratzeko. [...] Programa osatzen ere lankidetzan aritu gara departamentu desberdinak, eskaintza kalitatezkoa eta zabala prestatzeko helburuarekin».
Beste aukera bat, Goazen ikusteko
Horrela, beraz, ludoteka antolatu du kiroldegiak, olerki tailerra liburutegiak, eta zineaz aparte, Goazen 3.0 antzerkiaren bigarren saio bat izango da 16:00etan, kultura sailaren eskutik. Sarrerak astelehenean jarriko dira salgai.
ETA NEGUKO OPORRETAN, ZER?
Abenduak 26: Ludoteka, 10:00etatik 13:00etara. 0-16 urte.
Abenduak 27: Ludoteka, 10:00etatik 13:00etara. 0-16 urte.
Abenduak 28:
- Ludoteka, 10:00etatik 13:00etara. 0-16 urte.
- Goazen 3.0 antzerkia, bi saiotan: 16:00etan, bata; 18:00etan, bestea.
Abenduak 29:
- Ludoteka, 10:00etatik 13:00etara.
- Zinea: Albert, 17:00etan.
Abenduak 30: Ludoteka, 10:00etatik 13:00etara. 0-16 urte.
Urtarrilak 2: Lau Haizeetara olerkitailerra, 10:30etatik 12:00etara. 3-6 urte eta gurasoak.
Urtarrilak 4: Pintto pintto antzerkia, 18:00etan. 3 urtetik aurrera.
Urtarrilak 7: Zinea: Iparraldeko Norman. Arratsaldeko 16:30etan.
Urtarrilak 8: Zinea: Iparraldeko Norman. Arratsaldeko 16:30etan.