Urbieta kaleko Lete loteria administrazioa zorioneko dago. Atzo egin zuten Gabonetako loteriaren zozketa, eta bertan saldu dute 2garren sariaren dezimo bat, 04536 zenbakiari dagokiona, hain zuzen. Horrela bada, 125.000 euro jasoko ditu dezimoaren jabeak.
11:21etan kantatua
Goizeko 11:21etan kantatu zuten 04536 zenbakia San Ildefonsoko gazteek. Segituan jakin zen zati bat Hernanin saldu zutela, eta gutxinaka Lete loteria administrazioa herritar eta kameraz betetzen hasi zen. Pozik zeuden arduradunak, eta harrituta kontatu zuten: «makina bidez saldu da zenbaki horren dezimo bakarra, beraz, ez dakigu nork erosi duen».