Siriako errefuxiatuei laguntzeko, hamaika modu

Siriako errefuxiatuei lagun­tzeko hainbat ekimen jarri di­ra martxan azkeneko urte­an, eta horietako bi Hernanin izan­­go dira aste honetan. Gaur hasiko da Kepa Alvarez her­naniarra errefuxiatuentzat esnea bil­tzen; Atsegindegin ja­rriko du fur­goneta 10:00etatik 20:00e­ta­ra, gaurtik ostiralera bitarte.
Bestalde, azokan salduko du­te bihar Zorionekoa naiz li­bu­rua Pasaportes Para Siria elkartekoek. 10 euroan erosi ahal izango da, eta irabaziak Atenasko City Plaza hotelean bizi diren 400 bat errefuxia­tu­en­tzat izango dira.

Gipuzkoako Foru Aldundiaren laguntzarekin
Pasaportes Para Siria elkar­teak Gipuzkoako Foru Aldun­dia­ren babesarekin argitaratu du Zorionekoa naiz liburua, bi hizkuntzatan: euskeraz eta gaztelaniaz. 
Sara Pinedak idatzitakoa da, eta Clara Casanovak egin di­tu ilustrazioak. Elkarteak berak azaldu duenaren ara­be­ra, ipuin honen helburua da, «familiek eta hezitzaileei au­kera ematea txikienekin lantzeko gerra baten ondorioz dena galdu duten pertsonen drama». 

Amalen aldeko sinadura-bilketa, baita ere
Horrez gain, Pasaportes Para Siria elkarteak martxan dau­ka #AmalGipuzkoara kan­paina, Inmigrazio Zuzenda­ri­tza Nagu­si­ari Amal errefuxia­tu siria­rrari bisa humani­tarioa eman diezaio­ten eska­tzeko. Horren aldeko ma­nifes­tua sinatzeko aukera ere izan­go da bihar. 
Bost seme-alaba dituen emakumea da Amal, arrazoi bikoitzarengatik errefuxiatua dena: Siriako gerratik ihese­an dabilelako, batetik; eta jasandako indarkeria matxis­tagatik, bestetik.