Tokikom, Kronika, Aiurri, Noaua! eta Txintxarrik, Gipuzkoako Foru Aldundiarekin elkarlanean, antolatuta, Ekonomia Gurean egingo dute gaur. Andoaingo Bastero kulturgunean izango da, goizeko 10:30etatik 11:30etara.
Miren Estensoro, Arantxa Eguzkitza eta Nerea Yurrebasok hartuko dute parte.
Hiru emakume, ekonomiaz jarduten
Beterri-Buruntzaldea eskualdeko ekonomiaren egoera ezagutaraztea eta etorkizuneko erronkak zeintzuk diren aztertzeko asmoz antolatu dute saioa tokiko komunikabideek.
Horretarako, hiru gonbidatu igoko dira eszenatokira: Miren Estensoro, Orkestrako kidea; Arantxa Eguzkitza sagardogilea; eta Nerea Yurrebaso, Garapen Agentziaren izenean.
Lehenengo, bigarren eta hirugarren sektoreaz arituko dira hiru emakumeak, Urko Aristi TOKIKOMeko lehendakariaren gidaritzapean.
Saioa streaming bidez ikusi ahal izango da zuzenean: ‘www.kronika.eus’-en.
Bertaratzeko edo streaming bidez ikusteko aukera
Bertaratu nahi duenak 943 300 472 telefonora deitu dezake. Eta bestela, interesa dutenek saioa streaming bidez ikusi ahal izango dute zuzenean, www.kronika.eus-en bidez.